எஸ்.ஹலரத் அலி, திருச்சி-7 (+91 99653 61068)
_ குர்ஆன் 28:57 வசனத்தின் பூகோள, அறிவியல், ஆன்மீக ஆய்வுரை!
முன்னுரை:
ஒரு கேள்வி, 1400 வருட கால பதில்.
நபி (ஸல்) அவர்கள் மக்காவில் இஸ்லாத்தை பிரச்சாரம் செய்தபோது, குறைஷி தலைவர்கள் அச்சப்பட்டார்கள்:
“முஹம்மதே! உன்னை ஏற்றால் அரபு கோத்திரங்கள் எங்கள் வியாபாரத்தை அழித்துவிடும். நாங்கள் நாடுகடத்தப்படுவோம்.”
அல்லாஹ் வானத்திலிருந்து பதில் இறக்கினான்:
“அவர்களுக்கு பாதுகாப்பான புனித பிரதேசத்தை நாம் வசிப்பிடமாக்கவில்லையா? அதில் ஒவ்வொரு வகை கனியும் நம்மிடமிருந்து உணவாக கொண்டு வந்து சேர்க்கப்படுகிறது. எனினும் அவர்களில் அதிகமானோர் அறிய மாட்டார்கள்.”
— அல் குர் ஆன். 28:57.
இது வெறும் வரலாறு இல்லை. இன்று மக்கா சூப்பர் மார்க்கெட்டில்
“ஜப்பான் மியாசாகி மாம்பழம் 1 கிலோ 500 ரியால்” என்று விற்பனையாகும் வரை நீளும் உயிருள்ள அற்புதம்.
- அல்லாஹ் மக்காவை மட்டும் குறிப்பிட என்ன காரணம்?
அல்லாஹ்வின் நான்கு அருட்காரணங்கள் உண்டு.
1. பாதுகாப்பு – அல்-பலதுல் ஆமின் மக்கா “ஹரம்” – புனித எல்லை. இங்கு யுத்தம் ஹராம், வேட்டை ஹராம், மரம் வெட்ட ஹராம். யானைப்படை வந்த அப்ரஹாவையே அல்லாஹ் பறவைகளை வைத்து அழித்தான். “உங்கள் பாதுகாப்பு உங்கள் வாளால் இல்லை, நான் கொடுத்த கண்ணியத்தால்” என்று நினைவூட்டல்.
2. ரிஸ்க் – இப்ராஹீம் (அலை) அவர்களின் துஆ.
"இறைவா! இவ்வூரை பாதுகாப்பானதாக்கு! இதில் வசிப்போருக்கு கனிகளை உணவாக வழங்கு!" அல் குர் ஆன். 2:126பாலைவனத்தில் கைக்குழந்தை இஸ்மாயீல் (அலை) அழுதபோது கேட்ட துஆ. 4000 வருட துஆ இன்றும் நிறைவேறுகிறது. துஆவின் சக்திக்கு ஆதாரம்.
*3. வியாபார மையம்.
- மக்கா “ரிஹ்லதஷ் ஷிதாயி வஸ்ஸைஃப்” – கோடை, குளிர் கால வணிக பயணத்தின் மையம். [அல் குர் ஆன். 106:2].
யெமன் முதல் ஷாம் வரை கேரவன் வழி. “உங்கள் செல்வம் உங்கள் திறமை இல்லை. நான் இந்த ஊரை வணிக குறுக்கு சாலையில் வைத்ததால்” என்ற உணர்த்தல்.
- சோதனை.
எல்லா வசதியும் கொடுத்து, “இப்போது எனக்கு நன்றி செலுத்துவீர்களா? அல்லது என் தூதரை எதிர்ப்பீர்களா?” என்ற சோதனை. குறைஷிகள் தோற்றார்கள். கனி சாப்பிட்டார்கள், கஃபாவில் 360 சிலை வைத்தார்கள்.
- விவசாயமே இல்லாத பாலைவனத்தில் எப்படி எல்லா கனி? – பூகோள, அறிவியல்,ஆன்மீக ஐந்து ரகசியம்!
ரகசியம் 1:
பூமியின் “தங்க விகித” மையம்*
மக்கா 21°25′N 39°49′E. பழைய உலக வரைபடத்தில் Longitude, Latitude வைத்து Golden Ratio 1.618 கணக்கிட்டால் சரியாக மக்கா மத்தியில் வருகிறது. ஆசியா, ஆப்ரிக்கா, ஐரோப்பா எனும் மூன்று கண்டத்தின் விமான பயண நேரத்தை (Flight Time)கூட்டினால் மக்காதான் குறைந்த தூரம். அதனால் ஏழாம் நூற்றாண்டு “ஒட்டக கேரவன்” முதல் இன்றைய “Emirates SkyCargo” வரை எல்லாம் மக்காவை மையமாக்குகிறது.
ரகசியம் 2: ஹஜ் – உலகின் மிகப்பெரிய “Pop-up Market”
- 1400 வருட Demand:
ஹஜ் ஒருபோதும் நின்றதில்லை. மங்கோலிய படையெடுப்பு, கொள்ளை நோய், உலகப்போர் – எல்லாவற்றையும் தாண்டி வருடம் தவறாமல் லட்சக்கணக்கானோர் வருகை.
- 180 நாடுகளின் Supply:
ஹாஜி தன் ஊர் பேரீச்சை, இந்தோனேசியன் மங்குஸ்தான், துருக்கி செர்ரி கொண்டு வருவார்கள். “ஹஜ்ஜில் வியாபாரம் குற்றமில்லை” அல் குர் ஆன் :198.
அதனால் மக்கா 1400 வருடமாக “International Food Expo”. நடக்கும் சர்வதேச பழக்கண்காட்சியாக நகராக இன்றும் உள்ளது.
- இன்றைய எண்ணிக்கை: 2024 ஹஜ் – 18 லட்சம் வெளிநாட்டு ஹாஜி. ஒருவர் 2 கிலோ பழம் கொண்டு வந்தாலும் 3600 டன். இது தவிர அதிகாரபூர்வ இறக்குமதி.
ரகசியம் 3:
- “யுஜ்பா” – இழுத்து கொண்டு வரப்படுகிறது!
வசனத்தில் “துஜ்பா” இல்லை, “யுஜ்பா இலைஹி” – என்னும் அரபுச்சொல்லுக்கு பலவந்தமாக இழுக்கப்படுகிறது என்று பொருள். இது 21-ம் நூற்றாண்டு “Supply Chain” தத்துவம்.
- 7-ம் நூற்றாண்டு: யெமன் துறைமுகம் → ஒட்டகம் → மக்கா. 30 நாள் பயணம்.
- 2026: நியூசிலாந்து ஆப்பிள் → Auckland Airport → Dubai Cargo → Jeddah → மக்கா. 24 மணி நேரம். Cold Chain Chilling-18°C.
“Season” என்ற பேச்சே இல்லை. சிலி- மற்றும் பிரேசில் நாட்டில் கோடை என்றால் அங்கிருந்து செர்ரி. ஆஸ்திரேலியாவில் குளிர் என்றால் அங்கிருந்து ஆரஞ்சு. பூமி உருண்டையாக இருப்பதால் எப்போதும் ஒரு நாட்டில் சீஸன். அது முழுக்க மக்கா நகர் நோக்கி இழுக்கப்படுகிறது…அழைக்கப்படுகிறது.
ரகசியம் 4: தாயிஃப் – மக்காவின் “குளிர்சாதன பெட்டி!”
மக்காவிலிருந்து 70 கிமீ. கடல் மட்டத்திலிருந்து 1879 மீட்டர் உயரம். வெப்பம் 25°C. வருட மழை 300 மிமீ. இங்கு 2000 வருடமாக திராட்சை, மாதுளை, அத்தி, ரோஜா விளைகிறது. நபி (ஸல்) தாயிஃப் திராட்சை சாப்பிட்டுள்ளார்கள். இன்று Greenhouse, Hydroponics மூலம் ஆண்டு முழுக்க விளைச்சல். “பாலைவனத்தில் கனி இல்லை” என்பது தவறு, “அருகில் உள்ள தாயிஃப் மலையில் உண்டு”.
ரகசியம் 5: செல்வம் – “விலை ஒரு பொருட்டே இல்லை!”
சவுதி GDP $1.1 Trillion. மக்கா மார்க்கெட்டில் Demand Inelastic – விலை ஏறினாலும் வாங்குவார்கள். ஜப்பான் “Ruby Roman” திராட்சை 1 சீப்பு 1.1 மில்லியன் யென். அதுவும் மக்காவில் கிடைக்கும். பணம் இருப்பதால் உலகம் முழுக்க Supply தானாக வருகிறது. இதுவும் அல்லாஹ்வின் ஏற்பாடு – பெட்ரோல் கொடுத்து பணக்காரன் ஆக்கி, அதை வைத்து கனி கொண்டு வர வைக்கிறான்.
- அல் குர்ஆன் 28:57 வசனத்தின் நான்கு ஆழமான படிப்பினைகள்!
- தவ்ஹீத் ஆதாரம்: குர் ஆன் இறங்கிய 7-ம் நூற்றாண்டில் விமானம், குளிர்பதனம் இல்லை. “1400 வருடம் கழித்தும் எல்லா கனி வரும்” என்று அடித்து சொல்ல ஒரு மனிதனால் முடியாது. இது குர்ஆன் இறைவேதம் என்பதற்கு “Scientific Foretelling”. தீர்க்கதரிசனம்.
- ரிஸ்க் தத்துவம்:
நீ ஐரோப்பாவில் பிறந்தாலும், ஆப்ரிக்காவில் பிறந்தாலும், பாலைவனத்தில் பிறந்தாலும் ரிஸ்க் எனும் வாழ்வாதாரம் அல்லாஹ் கையில். மக்காவாசி விவசாயம் செய்யவில்லை, ஆனால் உலகம் முழுக்க அவனுக்கு விவசாயம் செய்கிறது.
“எண்ணாத புறத்திலிருந்து உணவு”
— அல் குர் ஆன். 65:3.
- பூலோக சொர்க்கம் மக்கா! …ஒரு Demo: சுவனத்தில் “இரு வகை …ஒவ்வொரு கனியும்”
[அல் குர் ஆன். 55:52].
அதன் “Trailer”-ஐ அல்லாஹ் மக்காவில் ஓட்டிக் காட்டுகிறான். கஃபாவை தவாஃப் செய்துவிட்டு, ஜம் ஜம் தண்ணீர் குடித்துவிட்டு, தாயிஃப் மாதுளை சாப்பிட்டால் – இது துன்யாவில் சிறு சொர்க்கம்.
- நன்றி மறந்தால் அழிவு!: குறைஷிகள் எல்லா கனியும் சாப்பிட்டார்கள், ஆனால் “இந்த செல்வம் லாத், உஸ்ஸா சிலைகளால்” என்றார்கள். அல்லாஹ் பத்ரு போரில் 313 பேரை வைத்து அவர்களை தோற்கடித்தான். இன்று நாம் iPhone, AC, Car அனுபவித்துவிட்டு “என் படிப்பு, என் உழைப்பு” என்றால் நாமும் குறைஷிதான் என்பதை மனதில் கொள்ள வேண்டும்.
- இன்று நமக்கான செய்தி! – மூன்று செயல்கள்!
- அச்சம் வேண்டாம்: “இஸ்லாத்தை பின்பற்றினால் வேலை போய்விடும், வியாபாரம் போய்விடும்” என்று குறைஷி பயந்தான். அல்லாஹ் சொல்கிறான்: “பாதுகாப்பும் ரிஸ்கும் நான் தருவேன். நீ நேர்வழியில் நில்.”
- நன்றி செலுத்து!:
நீ சென்னையில் இருந்தாலும், துபாயில் இருந்தாலும், அமெரிக்காவில் இருந்தாலும் உன் தட்டில் இருக்கும் ஆப்பிள் அல்லாஹ் “இழுத்து கொண்டு வந்தது”. “அல்ஹம்துலில்லாஹ்” சொல்லி உண்ணவும்.
- மக்காவை நோக்கு!: துன்யா முழுக்க அலைந்தாலும், மனம் கஃபாவை நோக்கி இருக்கட்டும். ஏனென்றால் எல்லா கனியும் அங்குதான் குவிகிறது, எல்லா துஆவும் அங்குதான் கபூலாகிறது.
முடிவுரை!
ஒரு பேரீச்சம் மரம் கூட வளராத பாலைவனத்தில், உலகத்தின் 195 நாட்டு கனியும் குவிகிறது என்றால், அது “Economics” இல்லை “Theology”. அது “Logistics” இல்லை “Miracle”.
குர்ஆன் சொன்னது: “ஒவ்வொரு வகை கனியும் கொண்டு வந்து சேர்க்கப்படுகிறது.”
மக்கா ஏர்போர்ட் சொல்கிறது:
“Arrival – 24/7 Fruits From All Over The World.”
1400 வருடம் கடந்தும் ஒரு எழுத்து கூட பொய்க்கவில்லை. இதுவே குர்ஆன் உயிருள்ள வேதம் என்பதற்கு சாட்சி.
“இதில் சிந்திக்கும் மக்களுக்கு அத்தாட்சி உள்ளது!”
— அல் குர் ஆன். 16:11.