எஸ்.ஹலரத் அலி, (+91 99653 61068.)
“வானத்தை ஏறிட்டு பார். மீண்டும் பார். உன் பார்வை சிறுமைப்பட்டு, களைத்து உன்னிடமே திரும்பும்.”
குர்ஆன் 67:4
இது 7-ம் நூற்றாண்டில் பாலைவனத்தில் நின்று வெறும் கண்ணால் வானம் பார்த்த ஒரு சமூகத்திற்கு இறங்கிய வசனம். இன்று ஹப்பிளும், ஜேம்ஸ் வெப்பும் ( Hubble & James web Telescopes) 13.5 பில்லியன் ஒளி ஆண்டு தூரம் ஊடுருவி பார்க்கும் திறன் கொண்டுள்ளது.
21-ம் நூற்றாண்டிலும் இந்த வசனம் உயிரோடு இருக்கிறது. எப்படி?
- “உற்றுப் பார், மீண்டும் பார்” – இறைவன் சொன்ன அறிவியல் முறை!
இறைவன் சொல்கிறான்:
_”அர்ரஹ்மானின் படைப்பில் எந்த ஓட்டையையும், வெடிப்பையும் நீ காண மாட்டாய். மீண்டும் பார்வையை திருப்பு!”
— குர் ஆன்.67:3-4
இதுவே நவீன அறிவியலின் அடிப்படை. ஒரு முறை பார்த்து முடிவெடுக்காதே.
- கலீலியோ 1610: தொலைநோக்கியால் வானம் பார்த்தார். “நிலவில் குழிகள் இருக்கிறது” என்றார்.
- ஹப்பிள் 1990: “பிரபஞ்சம் விரிகிறது. 13.8 பில்லியன் வயது” என்றது.
- ஜேம்ஸ் வெப் 2022: “ஹப்பிள் பார்க்காத 13.5 பில்லியன் ஆண்டு பழைய கேலக்ஸிகள் இதோ” என்று காட்டியது.
ஒவ்வொரு முறை “மீண்டும் பார்” என்று தொலைநோக்கியை திருப்பும்போதும், பிரபஞ்சம் இன்னும் பெரிதாக விரிகிறது. 1400 வருட கட்டளை இன்றும் நிறைவேறுகிறது.
- ஓட்டை இல்லா வானம்:
குர்ஆன் சொன்னது, சாட்டிலைட் நிரூபித்தது*
_”ஏழு வானங்களை அடுக்கடுக்காக படைத்தான். அர்ரஹ்மானின்
ல் படைப்பில் எந்த ஓட்டையையும் காண மாட்டாய்”
–அல் குர் ஆன். 67:3
“ஓட்டை, உடைசல் இல்லா” என்றால் என்ன? நவீன அண்டவியல் இதை Cosmological Principle என்கிறது.
- ஒழுங்கு: பிரபஞ்சம் எங்கு பார்த்தாலும் ஒரே மாதிரி இருக்கிறது. தற்செயலாக வெடித்து சிதறியது போல கலைந்து இல்லை.
- Fine-Tuning: ஈர்ப்பு விசை 0.0000001% கூடினாலும் பிரபஞ்சம் உடனே சுருங்கியிருக்கும். குறைந்தால் நட்சத்திரமே உருவாகியிருக்காது.
- CMB – பிரபஞ்ச பின்னணி கதிர்வீச்சு: COBE, WMAP சாட்டிலைட்டுகள் அளந்தன. பிரபஞ்சம் முழுக்க வெப்பநிலை 2.725K. ஒரு டிகிரி “ஓட்டை” இல்லை.
ஒட்டகம் மேய்த்த ஒரு சமூகத்திடம் “வானத்தில் Defect இல்லை, Quality Check செய்” என்று 7-ம் நூற்றாண்டில் சொன்ன வசனம். இன்று நாசாவின் பில்லியன் டாலர் சாட்டிலைட் “ஆமாம், ஓட்டை இல்லை” என்று சான்றிதழ் கொடுக்கிறது.
- “பார்வை சிறுமைப்பட்டு திரும்பும்” – ஜேம்ஸ் வெப்பின் தோல்வி!
நாம் எவ்வளவு பார்த்திருக்கிறோம்?
கருவி பார்த்த தூரம் பிரபஞ்சத்தில் %
வெறும் கண் 2.5 மில்லியன் ஒளி ஆண்டு 0.000002%
ஹப்பிள் 13.4 பில்லியன் ஒளி ஆண்டு 14%
ஜேம்ஸ் வெப் 13.5 பில்லியன் ஒளி ஆண்டு 14.5%
முழு பிரபஞ்சம் எவ்வளவு பெரிது? நாம் பார்க்கும் “கண்ணுக்கு தெரிந்த பிரபஞ்சம்” 93 பில்லியன் ஒளி ஆண்டு. ஆனால் கணிதம் சொல்கிறது: உண்மையான பிரபஞ்சம் இதை விட குறைந்தது 250 மடங்கு பெரியது. சில கணக்கு “10^10^122 மடங்கு” என்கிறது.
அப்படியென்றால் ஜேம்ஸ் வெப் பார்த்தது எவ்வளவு?
கடலில் ஒரு குவளை நீர். அதுவும் கலங்கிய நீர்.
இதைதான் இறைவன் சொன்னான்: “பார்வை சிறுமைப்பட்டு, களைத்து உன்னிடமே திரும்பும்”. விஞ்ஞானிகள் இதை “Hubble Tension”, “Crisis in .Cosmology” என்கிறார்கள். எவ்வளவு பார்த்தாலும் புதிர் கூடுகிறது. கண் களைக்கிறது.
- தோல்வியில் தான் வெற்றி இருக்கிறது
ஜேம்ஸ் வெப் தோற்றதா? இல்லை. அது நம்மை ஜெயிக்க வைத்தது.
எப்படி?
கடற்கரையில் நிற்கும் குழந்தை “கடல் எங்கே முடிகிறது?” என்று கேட்கிறது. அப்பா “தொடுவானம் வரை” என்கிறார். குழந்தை ஓடுகிறது. ஓட ஓட தொடுவானம் தள்ளிப்போகிறது. கடைசியில் குழந்தை களைத்து மணலில் விழுகிறது.
அந்த குழந்தை தோற்றதா? இல்லை. கடலின் முடிவில்லாத பிரம்மாண்டத்தை உணர்ந்தது. அதுதான் வெற்றி.
ஹப்பிள் தோற்கவில்லை. ஜேம்ஸ் வெப் தோற்கவில்லை. அவை நமக்கு சொன்னது: “இவ்வளவு பெரிய பிரபஞ்சத்தை படைத்தவன் எவ்வளவு பெரியவன்!”.
விண்வெளிக்கு போன 95% வீரர்கள் சொன்ன வார்த்தை:
“பூமியை மேலிருந்து பார்த்த பிறகு என்னால் நாத்திகனாக இருக்க முடியவில்லை”.
முடிவுரை:
வானம் எனும் ஏணியில் ஏறி.. முடிவில் மண்டியிடல்!
38:10-ல் “ஏணி வைத்து ஏறு” என்றான். மனிதன் ஏறினான்.
67:4-ல் “உற்றுப் பார்” என்றான். மனிதன் தொலைநோக்கியால் பார்த்தான்.
ஏறியும் பார்த்தான். பார்த்தும் ஏறினான். முடிவில் என்ன ஆனது? பார்வை தோற்றது. உள்ளம் வென்றது.
தொலைநோக்கி என்பது இறைவனுக்கு எதிரான ஆயுதம் இல்லை. அது இறைவனின் கையெழுத்தை பூதக்கண்ணாடி வைத்து படிப்பது. எவ்வளவு பெரிதாக்கி பார்த்தாலும் எழுத்து முடிவதில்லை. கடைசியில் கண் களைக்கிறது, கரம் நடுங்குகிறது, நாக்கு “ரப்பனா மா கலக்த ஹாதா பாதிலா – இறைவா! இதை நீ வீணாக படைக்கவில்லை” 3:191 என்று மட்டும் முணுமுணுக்கிறது.
ஓட்டை இல்லா வானம். அதை பார்க்கும் நம் கண்ணில் தான் ஓட்டை. அந்த ஓட்டையை அடைப்பது தான் உண்மையான அறிவியல். அதுவே உண்மையான வணக்கம்!