எஸ்.ஹலரத் அலி (+91 99653 61068.)
இந்த பிரபஞ்சத்தில் மனிதர்கள் மட்டுமே தனித்து இருக்கிறோமா? அல்லது நம் கண்ணுக்குத் தெரியாத வேறொரு உலகத்து உயிரினங்கள் நம்மைச் சுற்றிக் கொண்டிருக்கிறார்களா?
இன்றைய நவீன அறிவியல் உலகம்
‘ஏலியன்கள்’ (வேற்றுக்கிரகவாசிகள்- Aliens) மற்றும் ‘UFO’
எனப்படும் பறக்கும் தட்டுகளைப் பற்றித் தீவிரமாக ஆராய்ந்து கொண்டிருக்கிறது. ஆனால், இந்த மர்மங்களின் விடைகளைத் தேடி, குர்ஆன் மற்றும் நவீன இயற்பியலின் (Quantum Physics & Cosmology) ஒளியில் நாம் பயணிக்கும்போது வியக்கத்தக்க உண்மைகள் வெளிப்படுகின்றன.
படைப்பின் முப்பரிமாணம்:
மலக்குகள், ஜின்கள், மனிதர்கள்
குர்ஆன் உலகைப் படைத்த இறைவனின் திட்டத்தை மிகத் தெளிவாக விளக்குகிறது. படைப்பினங்களில், பொறுப்புக்கூறல் (Accountability) கொண்ட மூன்று முக்கிய உயிரினங்களாக மலக்குகள், ஜின்கள் மற்றும் மனிதர்களை அல்லாஹ் குறிப்பிடுகிறான்.
- மலக்குகள் (அதிவேகத் தூதர்கள்): ஒளியால் (நூர்) படைக்கப்பட்டவர்கள். இவர்கள் இறைவனின் கட்டளைகளை ஒரு நொடி கூட தாமதிக்காமல் பிரபஞ்சத்தின் எந்த மூலைக்கும் கொண்டு செல்பவர்கள்.
- ஜின்கள் (பரிமாணப் பயணிகள்): நெருப்பின் சுடரிலிருந்து (பிளாஸ்மா) படைக்கப்பட்டவர்கள். இவர்களுக்குத் தனித்துவமான ஆற்றல்களும் சுதந்திரமான தெரிவும் உண்டு.
- மனிதர்கள் (பார்வையாளர்கள்):
மண்ணால் படைக்கப்பட்டவர்கள்இவர்களே இந்த பிரபஞ்சத்தின் செயல்பாடுகளை ஆய்ந்து, இறைவனின் வல்லமையை உணரும் அறிவுடையவர்கள்.
குவாண்டம் சிக்கலும் மலக்குகளின் இயக்கமும்!
நவீன இயற்பியலில் ‘குவாண்டம் சிக்கல்’ (Quantum Entanglement) என்பது ஒரு விந்தையான நிகழ்வு. பிரபஞ்சத்தின் இரு முனைகளில் இருக்கும் இரண்டு துகள்கள், எந்தவிதமான பௌதிகத் தொடர்பும் இன்றி, ஒரே நேரத்தில் தகவல் பரிமாற்றம் செய்துகொள்ளும். இது ஒளியின் வேகத்தையும் விட வேகமானது.
மலக்குகள் பிரபஞ்சத்தின் கட்டளைகளை நிர்வகிப்பதில் பயன்படுத்தும் வேகம், இந்த குவாண்டம் சிக்கலைப் போன்றது. குர்ஆனில் “ஐம்பதாயிரம் ஆண்டுகள்” அளவுள்ள ஒரு நாளில் மலக்குகள் மேற்கொள்ளும் பயணம், இட-காலத்தை (Space-Time) அவர்கள் சுருக்கி, தகவல் பரிமாற்றத்தை நொடிப்பொழுதில் நிகழ்த்துவதைக் காட்டுகிறது. அவர்கள் பௌதிக எல்லைகளைக் கடப்பவர்கள்.
ஜின்களும் வோர்ம்ஹோல் (Wormhole) கோட்பாடும்!
விண்வெளி ஆய்வில் ‘வோர்ம்ஹோல்’ என்பது பிரபஞ்சத்தின் நீண்ட தூரத்தை ஒரு சிறிய துளை மூலம் இணைக்கும் குறுக்குவழி. ஜின்கள் நெருப்பின் (பிளாஸ்மா ஆற்றல்) தன்மையைக் கொண்டிருப்பதால், அவர்கள் நம்மைப் போன்ற பருப்பொருள் விதிகளுக்குக் கட்டுப்பட்டவர்கள் அல்ல.
குர்ஆன் (55:33) வசனத்தில், வானங்கள் மற்றும் பூமியின் எல்லைகளைக் கடக்க ஜின்களுக்கும் மனிதர்களுக்கும் ‘சுல்தான்’ (அதிகாரம்/ஆற்றல்) தேவை என்று கூறப்பட்டுள்ளது. ஜின்கள் பிரபஞ்சத்தின் பரிமாணங்களுக்கு இடையே பயணம் செய்யும் வல்லமை படைத்தவர்கள். நாம் இன்று காணும் மர்மமான UFO-க்கள், திடீரெனத் தோன்றி மறையும் தன்மையைக் கொண்டிருப்பதற்கு, ஜின்களின் இந்த “பரிமாண இடப்பெயர்வு” (Dimensional shifting) பண்பே காரணமாக இருக்கலாம்.
UFO-க்கள்: வேற்றுக்கிரகவாசிகளா? அல்லது பரிமாணப் பயணிகளா?
நவீன அறிவியல் தேடும் ‘ஏலியன்கள்‘ என்பது பிற கிரகங்களில் வாழும் பௌதிக உயிரினங்கள். ஆனால், குர்ஆன் சொல்லும் மலக்குகளும் ஜின்களும் பிரபஞ்சத்தின் எங்கும் பயணிக்கக்கூடியவர்கள். மனிதர்களாகிய நாம் நவீன கருவிகள் மூலம் வானத்தை உற்றுநோக்கும்போது காணும் விசித்திரமான வான்வெளி நிகழ்வுகள், ஏலியன்களின் இயந்திரங்கள் அல்ல; மாறாக, மலக்குகளின் பிரம்மாண்டமான ஆற்றல் வெளிப்பாடுகளோ அல்லது ஜின்களின் பரிமாணப் பயணங்களோ ஆக இருக்கலாம்.
முடிவுரை!
அல்லாஹ் மனிதர்களுக்குத் தெரிய வேண்டிய அனைத்து அடிப்படை உண்மைகளையும் குர்ஆனில் வழங்கியுள்ளான். அறிவியல் என்பது அந்த உண்மைகளைத் தேடிச் செல்லும் ஒரு கருவி மட்டுமே. இன்று நாம் வியக்கும் குவாண்டம் இயற்பியலும், பிரபஞ்சவியல் கோட்பாடுகளும் குர்ஆன் ஏற்கனவே குறிப்பிட்ட படைப்பின் ரகசியங்களுக்கு அறிவியல் பூர்வமான விளக்கங்களைத் தந்துகொண்டிருக்கின்றன.
எனவே, பிரபஞ்சத்தில் நாம் தனித்து இல்லை. கண்ணுக்குத் தெரியாத அந்தப் படைப்புகள், படைத்தவனின் கட்டளைகளை நிறைவேற்றிக்கொண்டு இந்த பிரபஞ்சத்தை இயக்கிக் கொண்டிருக்கின்றன.
இந்த உண்மையை உணரும்போது, பிரபஞ்சம் வெறும் அண்டவெளி அல்ல; அது இறைவனின் மாபெரும் மேலாண்மையின் வெளிப்பாடு என்பது தெளிவாகிறது!.
நாம் இறுதி நாள் வரை இப்லீஸ் ஷைத்தானிய ஜின்னின் ஆசை வார்த்தை மற்றும் அதிசயங்களை கண்டு ஏமாந்து விடக்கூடாது.இப்லீஷானவன் ஏலியன் வடிவில் வந்தும் நம்மை ஏமாற்றலாம்.நானே கர்த்தர் என்ற நாடகம் போட்டும் ஏமாற்றலாம்!